കടപ്പാട്: Panchajanyam
ചിങ്ങമാസത്തിലെ കൃഷ്ണപക്ഷാഷ്ടമിയും രോഹിണിയും ചേര്ന്നുവരുന്ന ദിവസമാണിത് ഗോകുലാഷ്ടമി ,ജന്മാഷ്ടമി ,എന്നീ പേരുകളിലും ഇത് അറിയപ്പെടുന്നു...ശ്രീ മഹാവിഷ്ണുവിന്റെ ദശാവതാരങ്ങളില് പൂര്ണ്ണാവതാരമെന്നു വിശേഷിപ്പിക്കുന്നത് ശ്രീകൃഷ്ണാവതാരത്തെയാണ്. അങ്ങനെയുള്ള ശ്രീകൃഷ്ണന് വസുദേവരുടെയും ദേവകിയുടെയും എട്ടാമത്തെ പുത്രനായി അവതരിച്ചത് ഈ ദിവസം ആയിരുന്നു....
ശ്രീകൃഷ്ണന്റെ അവതാരസമയത്ത് അര്ദ്ധരാത്രി വരെ ആഹാരനീഹാരാദികള് ഉപേക്ഷിച്ചും ശ്രീകൃഷ്ണ കീര്ത്തനങ്ങള് ആലപിച്ചും സ്ത്രീ-പുരുഷ ഭേദമെന്യേ വൃതമനുഷ്ടിക്കണം ..പുലര്ച്ചെ ശ്രീകൃഷ്ണക്ഷേത്ര ദര്ശനം കഴിഞ്ഞ് പാരണ വീടുക..ഇത്രയുമാണ് അന്നത്തെ അനുഷ്ടാനങ്ങള് ..
ശ്രീകൃഷ്ണ ക്ഷേത്രങ്ങളില് വിശേഷാല് പൂജകള് ,ശ്രീമദ് ഭാഗവത പാരായണം ,ഉറിയടി മഹോത്സവം ,ശോഭായാത്രകള് തുടങ്ങിയവ നടത്താറുണ്ട്...ശ്രീകൃഷ്ണ ക്ഷേത്രങ്ങളില് അന്ന് നിവേദ്യങ്ങളായി പാല്പ്പായസം ,നെയ്യപ്പം,ഇളനീര് എന്നിവയും നടത്താറുണ്ട്...ക്ഷേത്രങ്ങളില് എത്തുന്ന ഭക്തര് അന്നേദിവസം അര്പ്പിക്കുന്ന തുളസീമാലക്ക് ഭഗവല്പ്രസാദം ഏറിയിരിക്കും...
ആപത്ബാന്ധവനും ഭക്തവത്സലനുമാണ് ഗോലോകനാഥന് ...തന്റെ ഭക്തരെ ഭഗവാന് ഒരിക്കലും കൈവെടിയാറില്ല ...ശ്രീകൃഷ്ണനെ ഭക്തിപൂര്വ്വം മനസ്സില് കുടിയിരുത്തി ശ്രീകൃഷ്ണനാമത്താല് അര്ച്ചന ചെയ്യുന്നവര്ക്ക് സര്വ്വാഭീഷ്ടങ്ങളും ആ പരമകാരുണികന് പ്രദാനം ചെയ്യുന്നതാണ്..കൃഷ്ണാഷ്ടമിനാളില് ദാനം,ഉപവാസം,പൂജ എന്നിവ ചെയ്യുന്ന ഭക്തര്ക്ക് ഗോലോകം സുനിശ്ചിതം..
ഏത് പ്രവര്ത്തി ചെയ്യുമ്പോഴും "കൃഷ്ണ" എന്ന് ഉച്ചരിച്ചുകൊണ്ട് ചെയ്യുക...എല്ലാം ഭഗവാനില് അര്പ്പിച് ചെയ്യുന്നവര്ക്ക് ശ്രീകൃഷ്ണന്റെ അനുഗ്രഹം തീര്ച്ചയായും ലഭിക്കും...
"കിമലഭ്യം ഭവതി പ്രസന്നേശ്രീനികേതനെ"
എവിടെ ശ്രീകൃഷ്ണഭഗവാനുണ്ടോ അവിടെ എന്താണ് സഫലമാകാത്തത് ..
യദുകുലശ്രേഷ്ടനും ,അനന്തഗുണവാനുമായ അവിടുത്തേക്ക് പ്രണാമം...അനന്തകോടി പ്രണാമം..
